www.amude.com - navenda çanda kurdî 14.10.2003 - 23:33 Rewşenbîr û kesayetiyên kurd li dij çûna leşkerên tirk ji bo Iraqê ne STOCKHOLM (amude.com) - Komek ji rewşenbîr û kesayetiyên kurd îro di nameyeke vekirî de ji bo Mesûd Barzanî, Celal Talbanî û serokê Perlemana Kurdistanê Roj Nûrî Şawês piştgiriya xwe ji bo biryara Perlemana Kurdistanê derbarî çûna leşkerên tirk ji bo Iraqê diyar kirin û ji serokatiya Dewletên Yekbûyî yên Emerîkayê û ji serokatiya Britanîyayê dixwazin ku guh bidin miletê kurd û Tirkan neşînin Iraqê. Nameyeke piştgiriyê û daxwazan! ji bo her du serokên kurdan: Kak Mesûd Barzanî û Mam Celal Talebanî Ji bo serokê Parlamentoya Kurdistanê Birêz Roj Nûrî Şawês, Ji bo serokwezîrên herdu hukumetên Kurdistanê Birêz Nêçîrvan Barzanî û Birêz Dr. Berhem Salih Me bi kêfxweşiyeka mezin xebera biryarên bi yekdengî yên Parlamentoya Kurdistanê (11/10/2003) ên li ser lidijrawestiyana hatina leşkerên tirk ji bo Iraqê, daxwaza yekkirina herdu hukumetên herêmî yên Kurdistanê û avakirina heyetekê ji bo meşandin û bicihanîna biryarên parlamentoyê yên li ser yekkirina herdu hukumetan bihîst. Ev herdu biryar jî, di dema îro ya gellek hessas de biryarên heyatî ne û ciyê hêvî û serbilindîya her ferdekî milletê kurd in li her cihê ser ruyê erdê. Hê berî hefteyekê, bi minasebeta civîna salvegera biryara Parlamentoya Kurdistanê a li ser federasyonê, hem Mam Celal Talebanî hem jî Kak Mesûd Barzanî di nameyên xwe yên pîrozbayîyê de, pirr zelal eşkere kirin ku ew li dijî hatina leşkerên tirk in û daxwaz kirin da rojekê zûtir herdu îdareyên herêmî bibin yek. Partiyên me yên siyasî û rêxistinên me yên komelî yên hemû perçeyên Kurdistanê, yên li hundur û derveyî welat, ev daxwazên giring bi minasebetên cida gihandine raya giştî ya kurdan û cîhanê. Li Tirkiyê, partî û rêxistinên kurdan eşkere dijîtiya xwe li ser mihaweleya rêkirina eskerên tirk diyar dikin, meş û protestoyan li dar dixin. Ev, nîşanên wê yekê ne ku tevayiya milletê kurd bi yekdengî li pişt biryar û daxwazên Parlamentoya Kurdistanê ne. Biryarên parlamentoyê, bi her awayî tercumaniya hiss, daxwaz û biryardariya her kurdekî dikin, daxwazên tevayiya milletê kurd in û temsila vî milletê qehreman ê dilsozê azadî û demokrasiyê dikin. Ew kesên ku me ev name îmza kiriye, em bi her awayî piştgiriya xwe ya xurt û minnetdariya xwe ji bo Parlamentoya Kurdistanê diyar dikin, gazî û hawara xwe digihînin herdu serokên kurdan ên birêz; Mam Celal Talebanî û Kak Mesûd Barzanî, serokê Parlamentoya Kurdistanê, serokwezîr û endamên herdu îdareyên Kurdistanê, hemî berpirsiyar û endamên YNKê û PDKê, yên hemû partî û rêxistinên kurdan, hemû pêşmerge û leşkerên Kurdistanê, da tevayiya hêz û bikêrhatina xwe bi kar bînin ji bo ev herdu biryarên pîroz ên bi qedera milletê kurd ve girêdayî rojekê zûtir bi cih bên. Bi vê minasebetê em daxwaz li serokatiya Dewletên Yekbûyî yên Amerîkayê û li serokatiya Britanîyayê dikin ku guh bidin dengê milletê kurd ê ji bo azadî û demokrasiyê, endîşeya kurdan a li hemberî hatina leşkerên tirk fahm bikin. Hatina leşkerên tirk ne ku wê aştî û aramiyê, lê pirtir tevliheviyê bîne hemû herêmên Iraqê, di serî de jî Kurdistanê. Dewleta tirk bi her awayî dijminatiya xwe ya li hemberî milletê kurd ê mezlûm diyar kiriye û dev ji emelê xwe yê destêwerdana nava Iraqê bernedaye. Roj roja yekkirina hemu rêzên millet e. Milletê kurd, di riya biryarên Parlamentoya Kurdistanê de bi yek rêzî û yek dengî dakeve meydanê! Azadî û demokrasî ji bo milletê kurd, rûreşî ji bo dijminê vî milletî! Yên ku name îmze kirine (li gora rêza alfabetîk a paşnavan, 81 kes): Yaşar Abdülselamoglu Dr. Sosyolog/ mamoste li Universîteya Sofyayê Bulgariya Fahrettin Akar Siyasetmedar Danimarka Nuri Aldur Karmend Swêd Alişêr Nivîskar/wergêr Swêd Mohammed Aloge Siyasetmedar Elmanya Ruşen Aslan Huqûqnas Elmanya Osman Aydin huqûqnas/nivîskar Elmanya Ibrahîm Seydo Aydogan nivîskar Fransa Mustafa Aydogan Nivîskar Swêd Ali Aygül Mihendis Elmanya Osman Aytar Sosyolog Swêd Hesen Azad Berpirsê PIK û kovara Cudi Younes Bahram Nivîskar/ Helbestên Zarokan Elmanya Selim Bakac Karder Swêd Rojen Barnas Şair/nivîskar Swêd Berken Bereh Şair Kurdistan Sîrwan Haci Berko Rojnamevan Elmanya M. Sirac (Kekuyon)Bilgin Doktor/Niviskar Swêd Bayram Bozyel Siyasetmedar Tirkiye Nejdet Buldan Nivîskar Elmanya Ali Buran siyasetmedar Tirkiye Cankurd Nivîskar Elmanya Goranê Cano Rojnamevan Swêd Mûrad Ciwan nivîskar/lêkoler Swêd Celadet Çeliker Doktor Swêd Salim Çeliker siyasetmedar/ekonom Swêd Şemal Çeliker Doktore Swêd Munzur Çem Nivîskar/lêkoler Elmanya Ayhan Çiftci Siyasetmedar Elmanya Nedim Dagdeviren Nivîskar/Berpirsê Kitêbxana Kurdî(Stockhlm) Swêd Dilbixwîn Dara Rojnamevan (edîtorê AVESTA) Elmanya Silêman Demir Nivîskar Swêd Abid Dündar Endamê meclisa stockholmê a Partiya Liberal(FP) Swêd Nihat Eli Tekniker Swêd Medenî Ferho Seroke Enst. Kurdî Beljîka Bilal Görgü Nivîskar/memur Swêd Seyda Goyan lêkoler Kurdistan Mehmet Şükrü Gülmüş Berpirsê Nasnamê Elmanya Nejdet Gündem Siyasetvan Tirkiye Suna Güven Siyasetmedar Elmanya Sidqî Hirorî nivîskar Swêd Bêwar Îbrahîm Nivîskar/Şair Suriye /Qamişlo Mustafa Kalpak karmend Swêd Hemîd Kiliçarslan Zimannas Swêd Mahmûd Kiper Social worker Swêd Evdile Koçer Nivîskar Kurdistan Seyidxan Kûrij Rojnamevan/nivîskar Elmanya M-Ali Kut Çîroknivîs Swêd Mahmûd Lewendî Nivîskar Swêd Recep Maraşli Nivîskar Malmîsanij Nivîskar/lêkoler Swêd Faris Marşîl Rojnamevan Swêd Tengezarê Marini Nivîskar Elmanya Can H. Men Helbestvan Sûriye Hesenê Metê Nivîskar Swêd Abdulhalim Molla Mohammad Helbetsvan Switzerland Mamoste Nûjen Karikaturîst Swêd Şefîk Öncü karmend Swêd Cemal Özçelik nivîskar Switzerland Kutbettin Özer Tercuman Elmanya Zekî Öztürk Huqûqnas Lokman Polat Nivîskar Swêd Konê Reş Nivîskar /Şair Suriye /Qamişlo Pîr Rustem Çîroknivîs Sûriye Mustafa Sarica Reklamsaz Elmanya Mehmet Şahin Nivîskar Elmanya Goran Sidar Nivîskar/Rizgari Online Elmanya Şahînê Bekirê Soreklî Nivîskar/Rojnamevan Avusturalya Xiyaseddin Zaroj Stêrk mamoste Elmanya Vildan Tanrikulu siyasetmedar/wergêr Swêd Mükrime Tepe Avuqat Tirkiye Bavê Tîrêj Pedagog/Siyasetmedar Elmanya Serhanê Torî Siyasetmedar Norvêj Ali Usta Nivîskar Elmanya Sakip Uzun Karder Swêd Zinarê Xamo Nivîskar Swêd Temurê Xelil Nivîskar/mamoste Swêd Cuma Yakut Avuqat Elmanya Maruf Yilmaz Nivîskar/mamoste Swêd Helim Yûsif Nivîskar Elmanya Reşo Zîlan Zimannas/mamoste Swêd   veger rûpela destpêkê  copyright © 2000-2003 amude.com [ info@amude.com ]