01.05.2003 - 18:46
Weşan in nû ji Navenda Havîbûn a weşan
û lêkolînên kurdî
BERLÎN (amude.com) - Li paytexta Elmaniyayê
Berlîn, çend berhem in nû ji nav weşanên
"Navenda Havîbûn a weşan û lêkolînên
kurdî" derketin.
Herweha cotehejmara kovara Havîbûn (12 & 13) a ku bi zimanê kurdî
(tîpên erebî) tê weşandin, derket.
Di vê cotehejmarê de, gelek lêkolînên û gotarên
nivîskarên kurd ji seranserî Kurdistanê
û wergera lêkolîneke nivîskarê elmanî
Hans-Lukas Kieser cihê xwe girtine. Kovar ji 336 rûpelan pêk
tê.
Di dawiya kovarê de, xebatkarên kovarê agahdariyek
li ser daxwaza wan bo weşana kovarake taybetî bi navê
"Kurdnasî" weşandine. Sernivîserê
kovarê Salimê Casim ragihand Malpera Amûdê ku :
dixwazin bi kovara Havîbûnê re kovareke taybetî bi şêweyekê
ekadêmî nivîsên li ser kurdnasiyê biweşînin.
"Em bangî hemû nivîskaran dikin ku bi berhemên xwe
beşdarî vê projeyê bibin. Herweha em li hêviya peşneyar
û alîkariya xwendevan û nivîskaran in", Casim berdewam kir.
Hejmara yekê niha amade dibe û dê di demek nêzîk de
bikeve nav destên xwendevanan de.
Salimê Casim
|
Li aliyekî din, Salimê Casim ragihand ku ew bi nêt in ku kovareke din biweşînin bo
nivîsên bi tîpên latînî. Ew niha li ser vê yekê dixebitin
û di demek nêzîk de diyar bibe ka çawa û bi çi awayî
ev kovar dê bê weşandin.
Navenda Havîbûn ta niha 30 pirtûk weşandine û
çap kirine. Dora 10 pirtûkên din bo çapê amade dibin.
Li ser vê yekê Salimê Casim got: "Em dizanin ku
nivîskarê kurd zehmetiya dikş,îne
bo çapkirina berhemên xwe. Ji ber vê yekê em
dixwazin alîkariya nivîskarî bikin û pirtûkên
wî jê re çap bikin." Çapkirina pirtûkan ne belaş e, lê
ji weşanxaneyên din erzantir e. Havîbûn tenê mesrûfa
çapê ji nivîskar distîne.
Bo têkiliyê bi kovar û navenda Havîbûnê:
Havibun
Postfach 652106
13316 Berlin
e-mail: havibun@havibun.com, havibun@web.de
malper: www.havibun.com
Li jêr çend pirtûkên nû ji weşanxaneya Navenda
Havîbûnê:
|
|
