 |
|||||
 |
|||||
| www.amude.com - navenda çanda kurdî | |||||
 |
|||||
|
|
05.01.2004 - 19:45 Sûrya ji damezirandina Kurdistaneke serbixwe li Başûrê Kurdistanê bi tirs e
"Em ne tenê li dij welatekî kurdî ne, em herweha li dijî aksyonên li dijî yekbûna xaka Iraqê ne.", weha e-Esed di hevpeyvînê de. Wî berdewam kir û got: "Paşeroja Iraqê bi paşeroja me tevan ve girêdayî ye." Li ser pirsa bê Sûryayê ji xwesteka kurdan ji bo otonomiyê û welatekî serbixwe bi tirs e, Beşar el-Esed ji CNN-Turk re got: "Helbet!" Serok Beşar el-Esed dê sibe biçe Tirkiyeyê û sê rojan li wê derê bimîne. Ew dê bi rêveberên Tirkiyeyê re li ser peymanên aborî bide û bistîne. Ji ber vê yekê jî dîplomat girîngiyê didin çûna el-Esed bo Tirkiyeyê û diyar dikin ku dê di dema hevdîtinê de li ser mijarên siyasî û Iraqê jî were rawestandin. Beşar el-Esed li ser vexwendina serokomarê Tirkiyeyê Ahmet Necdet Sezer sibe di demjimêrên nîvroyê de bi jina xwe Esma el-Esed re biçe Enqereyê. Ew dê pêşî li Enqereyê serdeana gora Ataturk bike. Piştre, ew dê ji hêla Sezer ve bi awayekî fermî were pêşwazîkirin û dûre dê bi serokê perlemana Tirkiyeyê Bulent Arinç û serokwezîr Recep Tayîb Erdogan re hevdîtinan pêk bîne. Di roja duyem a serdana xwe de, Beşar el-Esed dê bi wezîrê karê derve Abdullah Gul û serokê CHPê Denîz Baykal re rûne û dûre dê bi serokê Artêşê serfermendar Hîlmî Ozkok re hevdîtenekê pêk bîne. Herweha el-Esed dê bi nûnerên welatên ereb ên li Tirkiyeyê re jî hevdîtenekê pêk bîne. El-Esed piştî Enqereyê dê biçe Stenbolê û li wir bi hemwelatiyên Sûryayê yên ku li Stenbolê dijîn re, hevdîtinekê pêk bîne. Herweha tê hêvîkirin ku el-Esed dê bi karsazên tirk û sûrî re jî hevdîtenekê pêk bîne. Hêjayî gotinê ye, ku cara dawî ku serokekî Sûryayê serdana Tirkiyeyê kir, berî 58 salan bû. |
|
|
|
|
| ||
| ||||
|
 veger rûpela destpêkê |
|
| ||
|
copyright © 2000-2003
amude.com
[ info@amude.com ] |
|||||
|
|||||